By RUEL J. MENDOZA
Balik sa mundo ng pageantry ang Sparkle artist na si Roxie Smith. Siya ang napiling mag-represent ng Baguio sa Miss Universe Philippines 2026.
Inanunsyo niya ito via Instagram kamakailan, posting a photo of her wearing her sash and crown.
Aniya sa caption: “A dream with no limits. Hello Universe! Breathe, rise, represent @missuniverseph_baguio.”
Bago na-launch si Roxie bilang isa sa Sparkada ng Sparkle GMA Artist Center noong 2022, nakoronahan na siya bilang Miss Philippines Earth 2020. Ang real name niya ay Roxanne Allison Agnaonao Baeyens.
Dahil nagkaroon ng pandemic noong manalo siya, naging online ang competition para sa Miss Earth.
Ito ang pinanghihinayangan ni Roxie. Hindi raw siya nakapag-travel bilang beauty queen dahil maraming restrictions noon.
Kaya nais ng 28-year old Fil-Belgian na sumali ulit sa beauty pageant para mabuo ang experience niya bilang beauty queen.
Lumabas na si Roxie sa ilang shows ng GMA tulad ng “Unang Hirit,” “Daig Kayo Ng Lola Ko,” “Regal Studio Presents,” “Magpakailanman,” “Sparkle U,” “Tols,” “Happy ToGetHer,” “Hearts On Ice,” “Shining Inheritance,” “Black Rider,” “Pepito Manaloto,” “Beauty Empire,” at “Sanggang-Dikit FR.”
