By DELIA CUARESMA
Buong tapang na ipinangalandakan ng anak ni Lea Salonga na si Nic Chien ang kanyang topless photo sa social media kamakailan.
Ito aniya ay patunay ng matagumpay na FTM chest reconstruction surgery na isinagawa sa kanya kamakailan.
Sa kanyang post, ibinahagi ng 19-anyos na si Nic, na ipinanganak bilang Nicole Beverly Chien, na matagal niyang hinintay ang sandaling ito.
“Was able to finally get top surgery last September. Been waiting to heal enough to post a nice looking picture of myself. The healing process was brutal! But worth it,” pahayag niya.
Hindi rin nito itinago ang lawak ng positibong epekto ng operasyon sa kanyang pagkatao.
“On a more serious note, it’s done wonders for my gender dysphoria and overall mental health. Not having to wear a binder, be afraid of judgment, and being able to be shirtless has been one of the most gratifying things EVER,” dagdag ni Nic.
Bukod sa personal na tagumpay, umaasa siyang makatulong ang kanyang pagbabahagi upang mas maunawaan ng publiko ang kahalagahan ng gender-affirming care.
“I hope sharing and talking about my experiences helps show the importance of this kind of stuff. Happy Transgender Awareness Week, everyone!” aniya, kasabay ng pagdiriwang ng Transgender Awareness Week mula Nobyembre 13 hanggang 19.
Hindi rin kinalimutan ni Nic ang kanyang inspirasyon at sandigan:
“P.S. wouldn’t have been able to do all of this without my parents’ support, love you!”
Obviously, sa bagong yugto ng buhay ni Nic, malinaw na ipinapakita niyang ang tapang na ipaglaban at yakapin ang tunay na sarili upang magbigay-lakas sa marami.
Bongga!
