Hindi pa daw

SA Facebook Live Chat ni Matteo Guidicelli, direktang tinanong ito ni Nico Bolzico, husband ni Solenn Heussaff, kung buntis na si Sarah Geronimo.

More than a month nang kasal ang dalawa at main­gay ang bulong-bu­lungan na preggy si Sarah kaya minadali diumano ang kasal nila.

Pero negative ang sagot ni Matteo ukol sa isyu.

Aniya, wala pang laman ang sinapu­punan ni Sarah dahil ini-enjoy pa nila ang isa’t isa.

Pero diin niya, kung darating ang baby, it’s most welcome.

Nag-joke pa si Matteo na ex­tended honeymoon ang nangyari sa kanilang mag-asawa dahil na rin sa pinapairal na enhanced community quarantine.

Ayon kay Matteo, sa araw-araw na paggising niya ay parang panaginip daw ang makitang kasama niya si Sarah. It’s a “bless­ing” daw.

NAMAHAGI

Kanya-kanyang paraan ang mga artista sa pagtulong sa front­liners kaugnay ng pinapairal na enhanced community quaran­tine.

Si Aiko Melendez ay namahagi ng Personal Protec­tion Equipment sa mga healthworkers sa Philippine Heart Center at sa San Mar­celino District Hospi­tal sa Zambales kung saan vice governor ang boyfriend niyang si Jay Khonghun.

Namigay naman si Ara Mina ng medi­cal supplies sa iba’t ibang hospitals sa Metro Manila at Bu­lacan. Pati na rin cup­cakes sa healthworkers ng Pasig Medical City at kapulisan.