ANO nga kaya kung mag-pari si Alden Richards?
Sa IG Live niya kamakailan ay natanong siya ng spiritual adviser niyang si Fr. Jeff Quintela kung puwede siyang mag-pari.
Sagot naman ng Pambansang Bae, “Puwedeng-puwede na.”
Super religious at madasalin si Alden. Parati nga siyang may dalang Bible at ‘yun ang binabasa niya kapag nagta-travel siya.
Lalong tumindi ang pagiging madasalin ni Alden sa panahon ng COVID-19.
Gusto nga daw niya sanang magsimba kung hindi lang sa Enhanced Community Quarantine.
KASADO NA
Kasado na ang pelikulang gagawin ni Roderick Paulate sa T-Rex Films. Kung hindi nga lang nagkaroon ng COVID-19 at Enhanced Community Quarantine, baka nakapag-umpisa na siya ng shooting.
Si Julius Alfonso ang direktor na first time makakatrabaho ni Roderick na aniya, “Mabait at cool.”
Aniya pa, mabait din at madaling kausap ang producers na si Rex Tiri at Sonny Fortuna.
