BY ROWENA AGILADA
*
KASADO na ang mga programa nina Paolo Ballesteros, Jose Manalo at Wally Bayola sa TV5. Gayun din ang talent show ni Ryan Agoncillo.
May programa rin sina Pokwang at Pauleen Luna-Sotto kung saan magkasama sila sa isang talk show. May isa pang show si Pokwang sa TV5.
Balitang marami pang bagong programa sa TV5 ang nagte-taping na. Sa August ang big launch ng mga ito.
Di mapigilan?
“Nganga” ang shippers nina Pasig City Mayor Vico Sotto at Bea Alonzo. One day lang sila “kinilig” nang magkita ang dalawa noong nag-donate si Bea ng relief goods para sa mga taga-Pasig at pinasalamatan siya ni Mayor Vico. After that, wala nang bagong development.
Mukhang malapit sa katotohanan ang pagsi-ship kina Bea at Dominic Roque. Matagal na silang nali-link sa isa’t isa. Nagkasama pa sila sa trip nila sa Tokyo, Japan.
Nabuhayan ang kanilang shippers sa socmed post ni Dominic na although hindi kita ang mga mukha nila ni Bea, obvious namang sila ’yun. Kuha ‘yun sa isang ramen house sa Japan.
May caption si Dominic na tila nabibighani na siya with matching heart emoji. Hindi na kaya niya mapigilan ang kakaibang nararamdaman niya para kay Bea?
