Mariing pinabulaanan ng singer-actress na si Sandara Park ang akusasyon ng kapwa 2NE1 member na si Park Bom patungkol sa diumano’y paggamit niya ng ipinagbabawal na droga.
Sa Instagram ibinahagi ni Sandara ang pahayag niya hinggil sa isyu.
“I have never used drugs. I wish her well,” ani Sandara.
Bago ito, umani ng samu’t-saring reaksyon ang post ni Park Bom na umano’y ginamit siya noon ng kanilang management para pagtakpan umano ang paggamit ng droga ni Sandara.
Aniya, nagdesisyon siyang ibahagi ito sa madla para i-comfort ang “crying soul”.
Nakiusap rin si Bom sa kapwa member na si CL at sa YG Entertainment na huwag i-report ang paggamit niya ng Adderall sa mga awtoridad.
“To the citizens online, I sincerely ask that you please investigate the facts as they are. And lastly, what I truly want to say is this: YG Entertainment, Yang Hyun-suk, Teddy Park, and Lee Chae-rin [CL], please do not report to the authorities that [I] used more than the prescribed amount of a drug that you yourselves have not used even once in 30 years,” sey ni Park Bom.
Matapos ito ay ini-unfollow na ni Park Bom ang lahat ng 2NE1 co-members sa social media.
