By DELIA CUARESMA
Sumakabilang buhay na ang singer na si Louie Reyes.
Kinumpirma ito ng kanyang asawang si Cesar dela Fuente.
Nag-post din ang batikang singer na si Ivy Violan ukol dito.
“The Philippine Music Industry celebrates the life of our dear Ms. LOUIE REYES. No good-byes, just the best hello to a very very dear friend and colleague,” ani Ivy.
Ani naman ni Cesar, “Today, I lost the love of my life.”
Nagbahagi rin ng mensahe ng pakikiramay sa pagpanaw ni Louie ang OPM icon na si Odette Quesada.
Sabi pa niya, nakasama pa nila si Louie sa ilang shows sa US, kung saan nagkaroon daw sila ng “long, meaningful, and thoughtful conversation about life after the show.”
“She was always so encouraging, always so gracious, always so kind. Louie Reyes, you will always be missed. My condolences to your family and friends,” ang message pa ni Odette kay Louie.
Unang nakilala at sumikat si Louie bilang miyembro ng iconic ’70s group na New Minstrels. Ilan sa mga kantang pinasikat nila ay ang “Kahit Na Magtiis,” “Smile,” “I Don’t Love You Anymore,” at “Buhat.”
