BY JUN NARDO
Binuksang muli ni Sharon Cuneta ang kanyang social media accounts nang makarating sa kanya ang malungkot na balitang namatay na ang loyal fan niyang si Remy Ramirez.
Hindi siya nakatiis na muling buksan ang Facebook page upang bigyang papuri ang umanaw na fan na naging parte ng buhay niya mula kabataan niya.
Bahagi ng post ni Shawie, “I am heartbroken…Too many of those close to my heart have been going since last year.
“2020 sana matapos na ang pagkuha mo sa amin ng mga mahal namin.”
Sa TV muna
Tutok muna sa telebisyon ang lawyer-producer-director na si Atty Joji Alonso dahil magiging bahagi siya ng Brightlight Productions.
Magiging blocktimer sa TV 5 ang Brighlight at ngayon October, anim na bagong shows ang magkakaroon ng launching.
Sa Facebook ni Atty. Joji, may video ng mga artistang tampok sa mga programa at nangunguna rito sina Piolo Pascual, Maja Salvador, Ian Veneracion at iba pa.
Abang-abang lang tayo sa mga pasabog ng Brightlight!
