BY RUEL J. MENDOZA
Balik-taping na ang comedy variety show na “The Boobay And Tekla Show” nila Boobay at Super Tekla.
Anim na buwan na napahinga ang top-rating na “TBATS” na tuwing Linggo ng gabi pinapalabas sa GMA-7.
Ngayon ay excited na ang dalawang Kapuso comedians dahil nagte-taping na ulit sila ng fresh episodes.
Ibinahagi ni Super Tekla sa kanyang Instagram ang behind-the-scene photo nila ni Boobay na kuha mula sa kanilang taping day para sa TBATS.
“Abangan sa September 13 ang new episode ng #TBATS. We’re back! Thank you, Lord! #NewNormal,” caption pa niya.
Nag-post din ang direktor ng show na si Rico Gutierrez ng setup ng studio kung saan mapapansin na may imbitadong audience via Zoom.
“Break a leg team! May zoom audience kami today,” caption ni Direk Rico.
Mas masaya at pangtanggal stress sa quarantine ang muling pagbabalik ng “TBATS” ngayong Sept. 13 10:15 p.m., sa Kapuso Network.
