BY JUN NARDO
*
UMAKSYON agad si Sharon Cuneta laban sa taong nagsabing kung bata-bata lang siya ay gagahasain niya si Frankie Pangilinan, panganay na anak ni Shawie kay Senator Kiko Pangilinan.
Nakipag-ugnayan agad ang Megastar kay Secretary Menardo Guevarra ng Department of Justice (DoJ) upang magsampa ng reklamo dahil sa offending statement na ito na inilathala pa sa Facebook.
Bukod sa pakikipag-ugnay sa DoJ Secretary, nakakuha na rin ng lead ang Megastar hinggil sa kinaroroonan ng salarin maging ang employer nito.
Iba magalit si Shawie, huh!
Pero kahit umaapoy sa galit, nakuha pa ni Mega na magpaka-sweet at binigyang-pugay pa rin niya ang asawang si Kiko nu’ng Father’s Day last Sunday.
Para kay Shawie, ang sweetheart niya ay, “truly one of the best Daddies I have ever known in my life.”
“I am so proud to be your wife and the mother of your children. Thank you for loving me, Tina, Kakie, Yellie, Miguel and all our doggies. We love you so much!”
MAY BAGO
Abangan ang sanib-puwersang pasabog nina Michael V, Heart Evangelista at Dingdong Dantes ngayong June 26 sa “Wowowin!”
Marami ang naintriga sa 15-seconds na video ng tatlo na hinihikayat ang manonood para sa mas makulay at mas malinaw na panoorin!
Naku, abangers at tutok nang malaman ang paandar na ito nina Bitoy, Heart at Dong, huh!
