BY RUEL MENDOZA
*
WALANG choice kundi iurong ng sexy “Bubble Gang” cast member na si Arny Ross ang kanyang wedding sa fiance na si Franklin Banogon.
Naka-set sana ang wedding nila noong January. Pero dahil biglang pumutok ang Taal Volcano, naudlot ito.
Plano nilang ituloy ang kasal by December.
Pero prenup photoshoot naman nila ang naudlot sa paglaganap ng COVID-19.
Tsika sa amin ni Arny, “Dapat tapos na ‘yung prenup namin ngayong April. Kaso because of this virus kailangan i-move. I asked the photographer kung kelan puwede or possible, feeling niya daw mga July na yan.”
Marami pa raw na hindi natuloy tulad ng meeting nila sa kanilang wedding planer at suppliers at sa designer ng kanyang isusuot na wedding gown.
Pinagdarasal ni Arny na sana ay matapos na ang pagkalat ng virus at maging maayos na ang pagplano nang pag-iisang dibdib nila ni Franklin.
