BY DANTE LAGANA
*
KUNG pagod na kayo sa bad news, pwes may pa-good news naman ang former Miss International na si Lara Quigaman at ang hubby nitong si Marco Alcaraz.
Ito ang pagbubuntis ni Lara na inihayag nila kamakailan sa kanilang vlog.
Pa-surprise nilang sinabi sa mga tagasubaybay na may special guest sila. Ito nga ay walang iba kung hindi ang kanilang “baby no. 3.”
Ani pa ni Lara, “18 weeks na ako today and yes sana na-surprise kayo katulad ng pagka-surprise namin kasi ako po talaga na-surprise talaga ng bonggang-bongga.”
Kahit daw si Marco ay nasurprise na magiging ama uli siya sa pangatlong pagkakataon.
Sinabi ni Marco na hindi raw nakakapunta sa hospital si Lara for check-up dahil nga sa pandemic disease na COVID-19. Humihingi sila ng dasal sa mga followers.
Nais ni Marco lalaki uli pero si Lara kahit ano raw basta bigay ni Lord.
Yun na!
