USAP-USAPAN ang pagkakapanalo ng naging pambato natin sa isang pageant na ginanap sa ibang bansa dahil sa kanyang physical looks.
Ayon sa source hindi raw natural ang hitsura nito at produkto raw ito ng “salamat doktor.”
Ibang iba raw kasi ang hitsura nito noong kabataan pa niya. Ang laki raw ng pagbabago kung pagbabasehan ang hitsura niya noon at ngayon.
Dagdag pa ng source, sure na may pinagawa raw o pinaayos sa ilang parte ng mukha nito na lalong nagpaenhance sa pak na pak niyang pagmumukha ngayon.
Ikinumpara tuloy siya sa dating nanalo rin ng title ng parehong international pageant na wala raw pinagalaw o pinaayos at natural na natural ang angking hitsura.
May dagdag pang kuwento ang source tungkol sa ating pageant winner. Diumano’y minsan ding naging ka-close daw nito ang isang aktor na pasulpot-sulpot sa mga teleserye sa isang higanteng network.
Anyway, wala namang masama kung may ipapaayos ka sa mukha basta ba huwag naman ‘yung halos hindi ka na makilala.
Ang importante, may magandang kinahinatnan ang maganda mong awra ngayon. Kaya awra pa more. (DANTE A. LAGANA)
